Kandidaten starta sitt engasjement i kulturelt og frivillig arbeid som trommis i det svært populære bandet “Silver Birds” på slutten av 1960-talet.
Dette gjorde opptakten til mange aktivitetar i Bøfjord UL der han m.a. var med i oppføringa av teaterstykket “Splint” av Norvald Tveit. Han var òg leiar i ungdomslaget, og ein periode òg i styret i Sogn Ungdomslag.
Kandidaten si største frivillige gjerning er truleg gjennom arbeid i Røde Kors frå tidleg 1980-talet som medlem i styret og seinare leiar i Hyllestad Røde Kors. Han tok initiativet til å starte Ungdomens Røde Kors i Hyllestad.
Kandidaten har hatt ei rekkje verv:
- Leiar i Hyllestad Røde KorsMedlem av Fylkesstyret for Hjelpekorpset
- Distriktsleiar i Fylkesstyret og medlem i landsstyret (1996-2000)
- Leiar for ambulanseselskapet (10 år)
- av Hyllestad Røde Kors omsorg (til og med 2023)
- Leiar av Distriktsrådet for omsorg i Sogn og Fjordane Røde kors omsorg
Engasjementet han hadde i Røde Kors gjorde også til at han var sentral i etableringa av Hauglandsenteret.
Midt på 70-talet tok kandidaten initiativet til å starte Hola Vel (no Leirvik grendalag), der det vart gjennomført ulike aktivitetar. Mellom anna vart leikeplassen i Hola etablert. På 80-talet var han aktiv ved etableringa av Bøfjorden båtlag og Kobben dykkarklubb.
Kandidaten har vore aktiv i ulike tillitsverv innan fagrørsla, også som pensjonist. Han har også bak seg to periodar i kommunestyret og ein periode i formannskapet.
Kandidaten har i mange år vore leiar i Leirvik grendalag. No er han på 4. året prosjektleiar i Liv og Lyst i Bøfjorden.
Kvernsteinsprisen 2024 til Arne Dale
Hyllestad kommune