Styresamansetning
Frivilligsentralen har eige styre som er samansett av tre personar frå frivilligheita og to personar frå kommunen.
Styre per 1.1.2024:
- Ingunn Sognnes (Styreleiar, politisk vald)
- Hildegunn Hatlem (Kommunalsjef for oppvekst, kultur og idrett)
- Ida Meier (Øen Grendalag)
- Ingrid Hatlem Skår (Hyllestad idrettslag)
- Eilev Strandos (Røde kors Hyllestad)
Bindeledd mellom kommune og frivilligheita
Frivilligsentralen held årleg kontaktmøte for alle lag og organisasjonar og kontaktmøte mellom alle grendelagsleiarane i kommunen. Dette er viktige fora der frivilligheita treffast og kan diskutere uluke problemstillingar og dele erfaringar med kvarandre. Gjennom desse møta får dei frivillige laga og organisasjonar høve til å stille spørsmål som kommunen kan svare ut og hjelpe dei med.
Frivilligsentralen administrerer Hyllestad foreiningsportal som er frivilligheita sin plattform for å dele informasjon om arbeid, aktivitetar og arrangement dei held.
Den finn du her https://hyllestad.foreiningsportal.no/
Her kan ein koordinere arrangementa sine slik at ein unngår kollisjon med andre lag og foreiningar.
Frivilligsentralen administrerer også infoskjermane i kommunen som synleggjer kva som skjer i Hyllestad.
Her er lenke til infoskjermane https://app.infoskjermen.no/go/Hyllestad
BUA Hyllestad og Gratisbutikken
Saman med Hyllestad folkebibliotek administrerer frivilligsentralen BUA Hyllestad i 1.etasje på kommunehuset som er eit viktig inkluderingstiltak særskilt retta mot barn og unge. Her kan ein låne det meste av sports- og friluftsutstyr heilt gratis. I same etasje er også gratisbutikken lokalisert som er open i same opningstid som kommunehuset. Her kan ein ta det ein vil av klede og sko heilt gratis. Frivillig vipps om ein ynskjer! Frivilligsentralen ynskjer å vere ein pådrivar for å redusere bruk- og kastmentalitet for å spare miljøet og økonomien. Gjenbruk er framtida! Har du klede eller sko du ikkje brukar lengre? Lever til frivilligsentralen sitt kontor.
BUA Hyllestad - sjå tilgjengeleg utstyr for utlån
Samarbeid
Frivilligsentralen deltek elles inn i mange samarbeidsprosjekt både med frivilligheit og kommune og ynskjer å vere ein pådrivar og aktiv bidragsytar for fleire møter mellom menneske. I 2024 har nokre av desse vore: Sommargry, Sommarmoro, Friluftsskule, språkkafè, verdsdagen for psykisk helse, TV-aksjonen og Hyllestad Vekst.
Kvar finn du frivilligsentralen?
Hyllestad frivilligsentral sitt kontor ligg rett ved hovudinngangen til kommunehuset, ved sidan av ekspedisjonen og biblioteket. Dagleg leiar i frivilligsentralen er som regel å treffe på kontoret mellom kl 09:00 og 15:00. Om torsdagen er opningstida til kl 17:00.
Sit du på ein idè eller er det noko du saknar i Hyllestad? Kom innom frivilligsentralen sitt kontor!