Slå saman eigedomar

Kravet må vere signert av alle eigarane (heimelshavar) 

• Eigedomane må ligge i same kommune 
• Eigedomane må ha same eigar 
• Samanslåinga må oppfylle matrikkellova § 18 og matrikkelforskrifta § 43 
• Samanslåinga må ikkje føre til prioritetskollisjon mellom pantehavar

Tinglyst heftelse 

Dersom det er tinglyst pant på eigedomane, må panteforholdet vere likt på begge eigedomar før dei kan bli slått saman. Ulik pant fører til prioritetskollisjon. Om det er tinglyst urådigheit, må du legge ved skriftleg samtykke frå urådigheitshavar.  

• Pant er sikkerheit for eit økonomisk krav som er tinglyst i grunnboka 
• Ei urådigheit er tinglyst i grunnboka, og er ein avtale om at eigar ikkje kan bestemme fritt over eigedomen.  

Kontakt Kartverket om tinglyst hefte på eigedomen

1. Fyll ut skjemaet Krav om samanslåing 
2. Du må oppgje alle eigedomane som skal bli slått saman 
3. Alle heimelshavarane må skrive under på skjemaet, og oppgje fullt fødselsnummer eller organisasjonsnummer. 
4. Lever skjema til oss på e-post postmottak@hyllestad.kommune.no, eller per brev til Hyllestad kommune, Lifjordvegen 7, 6957 Hyllestad. Du kan også levere skjema i resepsjonen på kommunehuset.

Sjå gebyrregulativ for Hyllestad kommune.