Kvalitet i barnehagen

Barnehagen har ei viktig rolle som oppvekst- og utviklingsarena og som velferdstilbod for småbarnsforeldre. Barnehagen skal vere til barna sitt beste, og dei skal oppleve glede og meistring i kvardagen. Hyllestad barnehage er oppteken av kvaliteten på tilbodet, og det vert jobba kontinuerleg med innhald og vidareutvikling.

Planar og lovverk

Alle barnehagar må følgje nasjonale lover og planar, i tillegg til eigne lokale planar.

Kommunen som barnehageeigar og barnehagemyndigheit

Kommunen er både barnehageeigar og barnehagemyndigheit.

Som barnehageeigar er kommunen ansvarleg for drifta i barnehagen. Dette ansvaret er det styrar i barnehagen som er ansvarleg for vert fulgt opp.

Kommunen er òg barnehagemyndigheit. Det betyr mellom anna at kommunen skal gje rettleiing og sjå til at barnehagen vert driven i tråd med lovverket. Dette ansvaret ligg per i dag til kommunedirektøren si leiargruppe.

Klage på barnehagen

Du har høve til å klage om du er misnøgd med tilbodet i barnehagen. Slik klagar du:

Ta problemet opp med styrar i barnehagen.
Gjeld det generelle tilhøve kan du òg ta det opp med barnehagen sitt samarbeidsutval.
Ønskjer du å gå vidare med klaga di eller ei bekymring, kan du ta kontakt med barnehagestyrar.
Får du ikkje medhald i klaga di til kommunen er Statsforvaltaren siste klageinstans.

Publisert 13.05.2022 15.54

Sist endra 27.08.2024 15.07